বৰপেটা : বৰপেটা জিলাৰ ভৱানীপুৰৰ ৰৌমাৰী গাঁৱৰ বেচৰকাৰী স্বেচ্ছাসেৱী সংস্থা ‘নৱ জাগৰণ’ৰ উদ্যোগত বুধবাৰে ৰাতিপুৱা ৯ বজাত সভাপতি ফজলুল হ'কৰ পৰিচালনাত গাঁৱখনৰ বিভিন্ন ৰাজহুৱা ঠাইত গছপুলি ৰোপণ কৰি এখন আৱৰ্জনা মুক্ত ৰৌমাৰী গাঁও হিচাপে গঢ় দিয়াৰ মানসেৰে এক বিশেষ শোভাযাত্ৰা উলিয়ায়৷ দক্ষিণ ৰৌমাৰী প্ৰাথমিক বিদ্যালয়ৰ শতাধিক ছাত্ৰ-ছাত্ৰী স্থানীয় ৰাইজৰ সহযোগত উলিওৱা এই শোভাযাত্ৰাত গছ কটা বন্ধ কৰক, মুকলিতে শৌচ বন্ধ কৰক, নাৰী নিৰ্যাতন বন্ধ কৰক, মদ-জুৱাকে আদিকে ধৰি অসামাজিক কাৰ্যকলাপ পৰিহাৰ কৰক, ডাষ্টবিন ব্যৱহাৰ কৰক আদি শ্লোগান দিয়ে৷ সংস্থাৰ সম্পাদক শ্বহীদুল ইছলামৰ সহযোগিতাত ভৱানীপুৰ উপ-আৰক্ষী চকীৰ ভাৰপ্ৰাপ্ত উপ আৰক্ষী বিষয়া হিতেশ পাটগিৰী, ৰামকৃষ্ণ গুস আদি বিশিষ্ট বিষয়াসকলে স্বচ্ছতা সম্পৰ্কে বিষদভাৱে আলোচনা কৰে।
No comments:
Post a Comment