গুৱাহাটী : অসমৰ ইতিহাসত এক কলংকিত অধ্যায়ৰ সুচনা কৰা ৰাকেশ পালৰ দিনতে ধনৰ বিনিময়ত চাকৰি লাভৰ অভিযোগত এচিএছ-এপিএছৰ পদবাধাৰী বহু ৰাজপত্ৰিত বিষয়াক ইতিমধ্যে তদন্তৰ অাওতালৈ অনা হৈছে৷ তাৰে অংশ হিচাপে আজি গুৱাহাটী উচ্চ ন্যায়ালয়ে ৯ গৰাকী ৰাজপত্ৰিত বিষয়াক জামিন দিয়ে৷ ধন দি চাকৰি লোৱাৰ অভিযোগত গ্ৰেপ্তাৰ কৰা হৈছিল বিষয়া কেইগৰাকীক৷ জামিন লাভ কৰা বিষয়াকেইগৰাকী ক্ৰমে- দীপক খনিকৰ, কুনাল দাস, সুদীপ্তা গোস্বামী, গীতালি দলে, ৰুমী শইকীয়া, সুনয়না আইদেউ, ছাবিৰা ইমৰাণ, দিলীপ কুমাৰ কলিতা আৰু বদৰুল ইছলাম৷ আটাইকেইজনকে ২০১৭ চনৰ নৱেম্বৰ মাহত গ্ৰেপ্তাৰ কৰা হৈছিল৷ এক দীৰ্ঘ সময় তদন্তৰ অন্তত আজি ন্যায়ালয়ে এই ৯ জনৰ জামিন মঞ্জুৰ কৰে৷
No comments:
Post a Comment