ভাৰতৰ সকলো ফুলফিলমেণ্ট কেন্দ্র (এফ চি)ত একক ব্যৱহার্য প্লাষ্টিকৰ প্রচলন বন্ধ কৰাৰ লক্ষ্যত সফল হোৱা বুলি আজি এমাজন ডট ইনে ঘোষণা কৰিছে৷ ২০১৯ চনৰ ছেপ্টেম্বৰত প্রতিষ্ঠানটোৱে ২০২০ চনৰ জুন মাহৰ ভিতৰত সম্পূর্ণ ফুলফিলমেণ্ট শৃংখলত একক ব্যৱহার্য প্লাষ্টিকৰ প্রচলন বন্ধ কৰি পেকেজিঙৰ কামত কাগজ ব্যৱহাৰ কৰা হ’ব বুলি ঘোষণা কৰিছিল৷
মাত্র চাৰি মাহৰ ভিতৰতে প্রতিষ্ঠানটোৱে সমগ্র দেশজুৰি থকা এফ চিসমূহত প্লাষ্টিকৰ সলনি কাগজৰ ব্যৱহাৰ আৰম্ভ কৰিলে৷ কাগজৰ কুশ্বন হৈছে পৰিৱেশ-মিত্র আৰু ১০০ শতাংশই নবীকৰণযোগ্য– যি পেকেজৰ ভিতৰত ব্যৱহাৰ কৰা হয়৷ যাতে খালী ঠাই পূৰণ হোৱাৰ ফলত পেকেটৰ ভিতৰত থকা সামগ্রীবিধৰ সৰবৰাহৰ সময়ত কোনো হানি নহয়৷ ২০১৯ চনৰ ছেপ্টেম্বৰত পেপাৰ কুশ্বনৰ ব্যৱহাৰ আৰম্ভ কৰাৰ সময়ত প্রতিষ্ঠানটোৱে প্লাষ্টিকমুক্ত পেকেজিং বিকল্পৰ ব্যৱস্থা আগ্রাসীভাৱে বিস্তাৰ ঘটাইছিল৷
সকলো এফ চিতে পেপাৰ কুশ্বনৰ সফল প্রয়োগ হৈছে ২০২০ চনৰ জুন মাহৰ ভিতৰত ফুলফিলমেণ্ট শৃংখলত একক ব্যৱহার্য প্লাষ্টিক বন্ধ কৰাৰ দিশে তাৎপর্যপূর্ণ প্রগতি৷ এমাজনৰ সামগ্রীৰ পেকেজিঙত বহনশীলতাৰ বাবে থকা দায়বদ্ধতা অনুসৰি সামগ্রী সৰবৰাহৰ বাবে ব্যৱহূত পেকেজিং মেইলাৰ, বাব৲ল বেগ, স্ত্রুেচচ ৰে’প আৰু টেপৰ প্লাষ্টিকমুক্ত বিকল্প উদ্ভাৱনৰ বাবে প্রতিষ্ঠানটোৱে চেষ্টা অব্যাহত ৰাখিছে৷
ইয়াৰ ফলত এমাজনে সকলো ধৰণৰ প্লাষ্টিকৰ প্রয়োগ পেকেজিঙত বন্ধ কৰিব পাৰিব৷ ২০১৯ চনৰ জুনত এমাজন ডট ইনে এই প্রচেষ্টা আৰম্ভ কৰাৰ মাত্র এবছৰৰ ভিতৰতে ১৪খনকৈ চহৰত পেকেজিং ফ্রী শ্বিপমেণ্টছ (পি এফ এছ)ৰ প্রসাৰ ঘটাইছিল৷ গ্রাহকৰ অর্ডাৰ পুনৰাই পেকিং কৰিবলৈ আৱর্জনাৰ পৰিমাণ হ্রাসৰ বাবে এই প্রচেষ্টা গ্রহণ কৰা হৈছিল৷ পেপাৰ কুশ্বন আৰু পি এফ এছ মুকলিৰ জৰিয়তে এমাজন ডট ইনে ইয়াৰ বিতৰক শৃংখলৰ দ্বাৰা প্লাষ্টিকৰ উৎপাদন হ্রাস কৰা আৰু গ্রাহকৰ অর্ডাৰসমূহ সুৰক্ষিতভাৱে প্রেৰণ নিশ্চিতকৰণৰ লক্ষ্য নির্ধাৰণ কৰিছে৷
No comments:
Post a Comment