আৰক্ষীৰ সন্মুখতে প্ৰতিবাদী সমদললৈ এজন যুৱকৰ গুলীবৰ্ষণ

 নাগৰিকত্ব সংশোধনি আইনৰ বিৰুদ্ধে তীব্ৰ আন্দোলন চলি থকাৰ মাজতে আজি ৰাজধানী দিল্লীত সংঘটিত হয় এক ভয়ংকৰ ঘটনা।জাতীৰ পিতা মহাত্মা গান্ধীৰ মৃত্যু দিৱস উপলক্ষ্যে জামিয়া মিলিয়া বিশ্ববিদ্যালয়ৰ ছাত্ৰ-ছাত্ৰীয়ে ৰাজঘাটলৈ উলিওৱা এক সমদলক লক্ষ্য কৰি এজন যুৱকে গুলীবৰ্ষণ কৰে  য’ত গুলীবৰ্ষণত ছাদাব আলম নামৰ এজন যুৱক আহত হয়  ইপিনে আহত যুৱকজনক ততাতৈয়াকৈ চিকিৎসালয়ত ভৰ্তি কৰোৱা হৈছে । অৱশ্যে পাছত অভিযুক্ত যুৱকজনক আৰক্ষীয়ে আটক কৰে।উল্লেখ্য যে চাহিন বাগৰ পৰা ৰাজঘাটলৈ উলিওৱা হৈছিল এই প্ৰতিবাদী সমদল। ইফালে আৰক্ষীয়ে এই সমদল বাহিৰ কৰাৰ অনুমতি প্ৰদান কৰা নাছিল।