৩০ জানুৱাৰীত NRC কাৰ্যালয়ত হোৱা এক উচ্চস্তৰীয় বৈঠকৰ পিছতে NRC কৰ্তৃপক্ষই লৈছে গুৰুত্বপূৰ্ণ সিদ্ধান্ত
গুৱাহাটী : NRCৰ সৈতে দীৰ্ঘদিন ধৰি জড়িত হৈ আছে ৰাজ্যৰ প্ৰায় ৫০ হাজাৰ বিষয়া–কৰ্মচাৰী৷ NRCৰে জড়িত হৈ থকা বিষয়া–কৰ্মচাৰীয়ে পোৱা নাছিল বদলি তথা পদোন্নতিৰ সুবিধা৷ পিছে সকলো হেঙাৰ এতিয়া আঁতৰিল। ৩০ জানুৱাৰীত NRC কাৰ্যালয়ত হোৱা এক উচ্চস্তৰীয় বৈঠকৰ পিছতে NRC কৰ্তৃপক্ষই লৈছে গুৰুত্বপূৰ্ণ সিদ্ধান্ত৷
সকলো জিলা উপায়ুক্তলৈ পত্ৰ লিখিছে NRCৰ সমন্বয়ক হিতেশ দেৱ শৰ্মাই৷ পত্ৰ দুখনত সমন্বয়ক শৰ্মাই NRCৰে জড়িত বিষয়া–কৰ্মচাৰীক পদোন্নতি, বদলি আদি যিখিনি প্ৰাপ্য সেইখিনি কৰি দিবলৈ দিছে নিৰ্দেশ৷ অৱশ্যে পুনৰ কাম আৰম্ভ হ'লে সেইসকল বিষয়া–কৰ্মচাৰী পুনৰ জড়িত হ'ব লাগিব বুলি কোৱা হৈছে পত্ৰ দুখনত৷
No comments:
Post a Comment