নতুন দিল্লী : কৰ’না সন্ত্ৰাসৰ মাজতে দেশত জাৰি কৰা হ’ল আনলক-৫ৰ গাইডলাইন। উৎসৱৰ পৰিৱেশত চৰকাৰে আনলক-৫ত বহু ক্ষেত্ৰত শিথিল কৰিবলৈ ওলাইছে নিয়ম। আনলক-৫ৰ গাইডলাইন অনুসৰি ১৫ অক্টোবৰৰ পৰা দেশত খুলিব পাৰিব মাল্টিপ্লেক্স, চিনেমা হল, থিয়েটাৰ হল। কিন্তু এই ক্ষেত্ৰত মুঠ আসনৰ সংখ্যা মাত্ৰ ৫০ শতাংশ লোকহে প্ৰৱেশ কৰিব পাৰিব হলবোৰত।
বিদ্যালয় আৰু ক’ছিং চেণ্টাৰ খোলাৰ ক্ষেত্ৰত ৰাজ্য চৰকাৰসমূহে ১৫ অক্টোবৰৰ পাছতহে গ্ৰহণ কৰিব সিদ্ধান্ত। অৱশ্যে, এই ক্ষেত্ৰত নিত্যান্তই জৰুৰী হ’ব শিক্ষাৰ্থী-অভিভাৱকৰ অনুমতি।
ইফালে আনলক-৫ত খেলুৱৈ-প্ৰশিক্ষণৰ বাবে মুকলি কৰা হ’ব ছুইমিং পুল। আনহাতে বিনোদন উদ্যান খোলাৰ ক্ষেত্ৰতো আনলক-৫ৰ জৰিয়তে অনুমতি প্ৰদান কৰিছে চৰকাৰে।
No comments:
Post a Comment